Torta sabioza dea nona

A zera diversi aneti ca no fazéa ła torta sabioza, stasera me ze venjù voja de farła... Mmmmm che bontà. 😁

300 gr de  buro

300 gr sùcaro

300 gr farina de patate

3 ovi intieri..

Łavorar ben co łe fruste buro e sucaro finché eł deventa beo spumozo...

Zontare i ovi e montarłi ben, infine se ghe zonta ła farina r mescolare ben, ben, ben... 

In forno a 170 gradi par 40.. 50 minuti controłà co stechin de łegno..

PS: se poł metere 8 gr de łievito mi no ło go mia mèso...

Parché ła riceta de łe none no łe ło meteva mia "noł gera"..

anca eł buro se poł meterne manco ma no ła ze ła vera sabioza, intendo dir che ła vien manco granułosa manco "sabioza" 

Ła ze tanto całorica basta magnarghene na feta soła 😁